Curriculum  Por iniciativa do Concello de Catoira créase a Escola Municipal de Música en 1988 e, froito dela, aparece a Banda de Música, que dá o seu primeiro concertó o 6 de xaneiro de 1990. Dito concerto ten lugar ano tras ano desde aquela data, sendos en dúbida o acontecemento musical estable máis importante que se produce en Catoira. Son os seus fundadores Valentín Rey  e Xosé Carlos Seráns, este último director da escola e da banda.      A escola municipal de música, de titularidade pública, está inscrita no rexistro de Escolas de Música Municipais da Xunta de Galicia. Nace como un proxecto educativo para servir de complemento á educación dos mozos catoirenses.      A súa educación musical de música baséase en clases individuais de instrumento, clases colectivas, audicións, grupos de cámara, ensaios por grupos instrumentais e ensaios xerais, que máis tarde se leva á práctica con concertos dentro e fóra do concello.      A Escola conta na actualidade con preto de 100 alumnos e, froito deste traballo, moitos dos seus Mestres proceden da propia escola.       As ensinanzas musicais que reciben son: linguaxe musical, música activa, coro, harmonía e música de cámara. E na especialidade instrumental: frauta, oboe, clarinete, saxofón, trompeta-fliscorno, trompa, trombón-bombardino, tuba, percusión e piano.       A Banda de Musica de Catoira actúa como invitada na XV Semana Musical de Noia e no 3º Festival de Música Sacra de Boiro, acompañando á “Coral Polifónica de Noia” e á de “Baldomar de Boiro”, tamén colabora ca Coral “Raíces” de Catoira.       Tamén realiza numerosos concertos didácticos: Instituto Bouza Brey (Vilagarcia de Arousa), Instituto de FP (Marín), Universidade de Santiago de Compostela, Igrexa de San Martiño (Noia), CPI  Progreso de Catoira, Universidade da Coruña, CSC das Fontiñas (Santiago de Compostela) etc..        É seleccionada para o 1º e 2º Certame Galego de Bandas Populares de Música convocado pola Consellería de Cultura da Xunta de Galicia e gravado pola TVG. Participa tamén na programación da “Galicia nos sentidos”, patrocinada pola Xunta de Galicia.        A Banda de Música de Catoira actuou en numerosos puntos da xeografía galega, tanto en festas populares coma realizando intercambios de carácter cultural, e incluso fóra das nosas fronteiras como é o caso de MonÇao (Portugal), onde participa no II Festival Ibérico de Bandas de Música; en Frederikssund (Dinamarca), no cal realizou un importante intercambio cultural, e na embaixada de España en Dinamarca na fermosa cidade de Copenhague.          Realiza varias gravacións para programas da TVG. No ano 2001 queda finalista no Día da Música Xove, Xuventude 2001, na localidade de Sada (A Coruña), patrocinado pola Xunta de Galicia.         Acada o 3º Premio no II Certame Provincial de Bandas de Música da Deputación Provincial de Pontevedra no ano 2002.         No ano 2003 consegue o 1º Premio e Mención de Honra no III Certame Provincial de Bandas de Música Deputación Provincial de Pontevedra. Tamén no ano 2004 gaña o 1º Premio na Sección Primeira do IV Certame Provincial de Bandas de Música Deputación de Pontevedra.          En outubro de 2006 acadou o 1º Premio da Sección Primeira do VI Certame Provincial de Bandas de Música da Deputación de Pontevedra.          Dende xullo do 2005 a Banda de Música de Catoira está dirixida polo mestre Carlos Figueira  Abuin.   Carlos Figueira Abuin naceu en Asados (Rianxo) e inicia os seus estudos musicais ós 9 anos, pasando a formar parte da Banda de Música Municipal de Rianxo como bombardino.       Máis tarde desenvolve a técnica e a interpretación musical obtendo o título de profesor de bombardino con Xosé Carlos Seráns Olveira, tuba solista da Banda de Música Municipal de Santiago de Compostela e do Grupo de Metais de Galicia.       Estuda trombón con Xosé Casal Sueiro, trombón solista da Banda de Música Municipal da Coruña e do Grupo de Metais de Galicia, profesor co que termina o título de profesor  superior de trombón e bombardino coas máis altas calificacións.       Asiste a numerosos cursos de perfeccionamento instrumental con mestres da talla de Enrique Ferrando, trombón solista da ONE (1994, 1995, 2000), Ricardo Casero, trombón solista da OCB (1997, 2000), Indalecio Bonet, trombón da ONE e do Grupo de Metais Luur-Metalls (1998), Miguel Navarro, tuba solista da ONE (1997), Enrique Crespo, trombón solista do Grupo de Metais German Brass (1998), Michel Becquet, solista de trombón e profesor do Conservatorio de París (1999, 2000), Joel Vaise, trombón solista da Orquestra Nacional de Francia (2002, 2003).        En xaneiro de 1997 pasa a formar parte da Xove Orquestra Sinfónica de Galicia como trombón solista e da Orquestra de Prácticas Orquestrais da Sinfónica de Galicia.        No curso 1997 empeza a formar parte da Big Band de Estudio Escola de Música (SEM, Big Band de Santiago) onde segue actualmente e na que é profesor de trombón desde o curso 1999-2000).        En decembro de 2001 pasa a formar parte mediante oposición da Banda de Música Municipal da Coruña como trombón solista.        En novembro de 2002 asiste ás clases organizadas pola Orquestra Xove de Prácticas da Sinfónica de Galicia co trombonista Christian Lindberg. En setembro de 2003 asiste ó “XV International Trombone Camp”, que tivo lugar en Italia e impartido por Jay Friedman, trombón solista da Orquestra Sinfónica de Chicago, Charles Vernon, trombón baixo da Orquestra Sinfónica  de Chicago e por Jiggs Whigan, solista internacional de Jazz (trombón) e Director da Big Band da BBC de Londres.       Colabora habitualmente coa Orquestra Sinfónica de Galicia, coa Orquestra Cidade de Barcelona e Nacional de Cataluña baixo a batuta de directores coma James Ross, Michael Gilbert, José Luis Novo, Pablo Sánchez Torrella, Bernabé Sanchís, Victor Pablo Pérez, Salvador Mass, Darío Sotelo, Jan Cober, Ricardo Frizzio, Paul Bateman, James Jud,  etc…           Asiste ó curso de pedagoxía musical impartido por Susa Herrera (1998), organizado pola Federación Galega de Bandas de Música; no campo da dirección orquestral asiste a cursos con Henrie Adams (1996, 1997), Marcel Van Bree (1997), Bernardo Adam Ferrero (1997) e James Ross (1997). Desde 1994 a 2001 é director da Banda de Música de Rianxo e membro fundador do Grupo de Cámara “Due Tempi”, xunto co saxofonista Diego García Morales e a pianista Paula Gago Otero. É profesor de trombón e bombardino nas escolas de música de Rianxo e Catoira.      En xuño de 2006 forma parte da Orquestra de Jazz do 1º Festival Internacional de Jazz Imaxina Sons que tivo lugar en Vigo.      Na actualidade é profesor superior nas especialidades de trombón e bombardino, trombón solista da Banda de Música Municipal da Coruña, membro do Grupo de Metais de Galicia, do Grupo de Trombóns da OJSG, do Grupo de Cámara “Due Tempi”, do Grupo “Ten Jazz Men” e director da Banda de Música de Catoira.   Curriculum da Banda de Música de Catoira Curriculum do Director: Carlos Figueira Abuín Banda de Música de CATOIRA BANDA DE MUSICA DE CATOIRA As Lombas 1, 36612 - Catoira